Arusha italike 18 Ntwarante
Amashirahamwe y igenga yahagaritswe azomenyeshwa urwaciwe mu minsi mirongo itandatu (60), mugihe abacamanza ba sentare ya africa y’’ubuseruko bazosoma urubanza rujanye nivyo ayo mashirahamwe yabasavye navyo bikaba ari guhanagura ingingo ifuta ayo mashirahamwe, n iyugurugwa ryáma konte yayo.
Amashirahamwe atanu akaba ariyo yitwariye Leta y uburundi n’bunyamabanga bwakarere ka africa y ubuseruko inyuma y ihagarikwa n ifutwa ryayo mumwaka wa 2016.
Abashingwamanza b’ishirahamwe rigwanira agateka ka muntu n’akabapfunzwe « APRODH » Ishirahamwe Ru kristu rigwanya ihohoterwa rya kiremwa muntu « Acat » ihuriro ry ukwiyumvira n iterambere « FOCODE » Urunani rw’amashirahamwe adaharanira inyungu za politike « FORSC »Ihuriro ry’abantu b’íntungane « RCP » bakaba bamenyesheje abacamanza batanu(5)bashashe murwo rubanza ko ifutwa ry’ayo mashirahamwe riteye kubiri n’itegeko ry’uburundi rigenga amashirahamwe yígenga, rikanatera kubiri n’amasezero ya africa y ubuseruko yerekeye ubwigenege bw’ugushinga amashirahamwe, uburundi bwateyeko umukono.
Umushikirizamanza kizigenza wa Repubulika y uburundi akaba yarafashe ingingo italike 19 munyonyo 2015 ifata amakonte yayo mashirahamwe, inyuma yaho igenekerezo rya 23 munyonyo umushikiranganji w’intwaro yohagati mugihugu afata ingingo y uguhagarika ibikorwa vy’ayo mashirahamwe. Inyuma y’umwaka 19 gitugutu 2016 Umushikiranganji w’intwaro yo hagati mugihuga afata ingingo y’ugufuta ayo mashirahamwe burunu, Ingingo y’uwo mushikiranganji ikaba inyuranye n’amategeko kuko ari ama sentare yonyene afise ubwo bubasha bw uguhagarika ibikorwa vy’amashirahamwe n’ukuyafuta .
Biciye kumushingwamanza Diomede Vyizigiro, leta y’uburundi imenyesha ko umushikiranganji yafashe iyo ngingo kumvo z’ugukingira umutekano w’igihugu na cane cane ko ayo mashirahamwe yari yivanze muvya politike biciye mu migumuko
Uwo mushingwamanza wa leta y’uburundi yongeye avugako ngo mugihe hari ugutirigana ku masezerano agenga ayo mashirahamwe n’abayagize , umushikiranganji arafise ububasha bwugufata ingingo atarinze kubanza guca mubijanye núbutungane naza sentare.
Donald Deya, umukuru w’urunani rw’abashingwamanza ba africa « PALU »akaba ari nawe aburanira ayo mashirahamwe atanu (5) akaba y’ishuye ati « Uruhara rw’amashirahamwe adaharanira inyungu za politike na cane cane ayagwanira agateka ka zina muntu n ukudoma urutoke ikintu cose gihonyanga agateka ka muntu, yaba umuntu asanzwe, inzengo za leta ,nshingwantwaro, nshinga amategeko canke ubutungane, ivyo rero bikaba atari ivyaha, canke gukina politike , muga ari uguhimiriza »
Akaba mbere yibukije ko bitegekaijwe neza n’amasezerano agize mumuryango wa Africa y ubuseruko , ibijanye n’intwaro ibereye, gusangira ubutegetsi, n’amashirahamwe y’igenga.
Leta y’uburundi ikaba yamenyesheje ko ayo mashirahamwe yakoresha ayo makonte muguhungabanya umutekano w’igihugu .
Yongeyeko ngo naho atavyemezo yashoboye gutanga muntahe y’’icese imbere yiyo sentare y’akarere ngo hari ivyemezo bisanzwe biri muri dossier y’ivyaha iriko ikurikiranwa n umushikirizamanza kizigenza ngo nuko atashoboye kuyihamvya ngo azane ivyo vyemezo.
Nayo Umushwingwamanza Donald Deya wewe yasavye iyo sentare « guhanagura izo ngingo za leta y’uburundi, agirako ahubwo asaba n’indishi yohabwa ayo mashirahamwe ajanye n’igihombo catewe nízo ngingo z’agahotoro.
Yongeye gusaba sentare gutegeka ubunyamabanga bw’akarere nabwone bwagirizwa hamwe na leta gukerebuka n’uguhimiriza leta y uburundi mugucungera neza ko amategeko ateyekubiri n’amasezerano aheza agakosorwa(…….)guhimiriza leta y’’uburundi guhindura imibereho itarekuwe núgushiraho icuka ciza n’ubwisanzure bw’ayo mashirahamwe atanu mbere n’amashirahamwe yose muri rusangi »
Dr Antony Kafumbe yaserukiye umunyamabanga mukuru w’akarere yamenyesheje « ubunyamabanga bw’akarere ntibwigeze bumenya uko ibintu biriko biragenda mu burundi nta n’ubushobozi bw’ukubisuzuma bwari bufise icogihe. » yanamenyesheje ko yemeza ko amashirahamwe y’igenga afise ikibanza mu biganiro vy’amahoro mu burundi kugira aterere mubiba mu burundi hamwe n ukurondera inyishu irama.
Muriyo ntahe y’’icese hari hashashemwo abacamanza Monica Mugenyi(Umukuru w’intahe) Faustin Ntezilyayo(Icababa c’umukuru w’intahe) Fakihi Jundu, Charles Nyawello hamwe na Charles Nyachae.
